ආදරණීය නේරංජනා…ආදරණීය නේරංජනා
ඔබෙ මුව මදහස් රැළි මාලාවේ
වෙළී බැඳුණු දින රඟ ශාලාවේ
තුන් හිතකින්වත් නොසිතූ විලසින්
යළි ඔබ දැකුමට ආ වේලාවේ
අප හමු වූ ගෙවුයන් සීමාවේ
එක මොහොතක් පමණකි තනි වූයේ
මටම ම පුදුමයි අදහන්නට බෑ
මම ම නොවෙයි යළි ඉන් පිටවූයේ

කවුදෝ මා පසු පස එනු දැනුණා
පාළු වීදියේ තනිකම මැකුණා
ජීවමාන කිසිවෙකු සිටියේ නෑ
එනමුඳු කවුදෝ ඇති බව හැඟුණා
නිදි යහනේ මා නින්දට වැටුණා
ඔබ මා සිහිනෙන් අමතනු පෙනුණා
එ’නමුදු කෙලෙස ද ඇගෙ අත ගන්නේ
මගේ හිතම මට මුමුණනු ඇසුණා