හුස්මට හුලගත් ගින්නට හෙවනත් ගස් අතු අතරෙනි එන්නේ
කන්නට රස ගෙඩි පලවැල අලකොල ගස මැදිකරය හැදෙන්නේ
දිය සීරාවද වැස්සද පින්නද ගස්මුල් යටය තියෙන්නේ
අම්ම තාත්තා වගේ රැකිය යුතු ගහ කොළ ඇයි වනසන්නේ

බෝරුක පිදුමට බුදුගේ වැදුමට ගැස්මය මල් පුබුදන්නේ
ගහකම ලීයක් පොරෝ මිටට ගෙන ගහටම නොවෙද කොටන්නේ
මුල පෙරලන්නට වල හාරන්නා ඒ වල කාට කපන්නේ
ගහක් නොවෙයි මතු අනාගතෙයි අපි ඒ වල තුලට වැටෙන්නේ

මිනිසා ලොව උපදින්නට පෙර දී මිහිපිට ගහකොළ හැදුනේ
ඒ වැඩිමල්කම ගරු කොට සලකා ගස රැක ගත යුතු වන්නේ
කැපීම ලේසියි හැදුම අසීරුයි ඒ පොදු දම සිතමින්නේ
ගසක් කපූ පව ගෙවා දමන්නට පැල දහසක් වවපන්නේ

හුස්මට හුලගත්……